Títulos em Relacionamentos, Criação de Filhos e Desenvolvimento Pessoal

Lindie Stander was op die kruin van haar loopbaan toe sy in ’n bloedbevlekte bed in ’n staatshospitaal wakker word. Elise Kruger, die karakter wat Lindie in Binnelanders vertolk het, het sonder waarskuwing van kykers se televisieskerms af verdwyn. In haar kenmerkend rou stem vertel Lindie haar hartverskeurende maar hoopvolle verhaal.

Werk soos ’n miljardêr vertel die verhaal van Dan, ’n werknemer, wat bloot van salaristjek tot salaristjek leef. Hy streef daarna om sy eie besigheid te begin en om sy eie baas te wees maar hy staar verskeie uitdagings in die gesig. Een van dié uitdagings is hoe om, sonder enige geld, ’n besigheid te begin. Maar alles verander op ’n dag toe hy voor ’n groot besluit te staan kom en hy die besluit maak wat sy hele toekoms handomkeer verander.

Pret Pa is geskryf vir elke Pa of man wat beplan om 'n Pa te word. Dit is gelaai met baie kreatiewe idees van hoe jy met jou kind kan tyd spandeer en so 'n hegte verhouding bou. Die idees is in kort maklik leesbare hoofstukke geskryf, sodat jy in jou vol skedule vinnig daarna kan verwys. Daar is ‘n hoofstuk vir elke week in die jaar. Slaan dit oop en begin lees van voor af of sommer enige plek in die middel. Gebruik dit saam met jou kind of laat jou kind kies wat julle volgende PRET avontuur gaan wees.

Bart, die aantreklikste ou in haar matriekklas, soen Esli uit haar vel. Vir meer as veertig jaar deel hulle hul lewens, maak saam kinders groot en sien om na vriende en familie. Jaarliks vier hulle Kersfees in Kleinmond met geskenke en trifle en stappies langs die see met hul worshond. Maar hoekom val Bart se broer uit ’n boom voor Esli se ouerhuis? En watter donker geheim is onderliggend aan Bart se ma se vreemde gedrag en onfatsoenlike grappe?

Tog snaaks dat ek eers aan die einde van die reis moes kom om die begin te kon sien. 'n Pad wat nooit eindig nie en waar daar net gestop is as dit reeds te laat was en ek klaar, karsiek, opgegooi het. 'n Pad gedeel met baie. Ek moes eers vyftig word voordat ek die pad vorentoe kon lees. Die pad tot op vyftig was interessant. Die pad na vyftig 'n ondervinding en ervaring. Altwee paaie was en is grondpad; ek is bly. Oud-Suidwester ken van grondpad ry. Die mense wat tot op vyftig saam met my gery het, kon nie altyd by hou nie. Almal ry nie dieselfde pad nie.

Huis van gruwels is die skokverhaal van die sogenaamde “Springs-monster” wat op die wreedste manier denkbaar alles van sy gesin weggeneem het, maar ook ’n storie van hoop oor hoe ’n dapper jong vrou uiteindelik geluk en genesing vind.

Ivor Swartz is ’n depressielyer wat die lewe kies. Ivor kyk na sy eie depressie en pleit dat ons geen mens oordeel vir wat hulle in die donkerste oomblikke gekies het nie. Hy gesels oor depressie onder tieners en reik 'n sagte hand uit na ouers wat 'n kind aan selfdood verloor het. Ivor gee nie maklike antwoorde nie, maar vra dat ons ons oë sal oopmaak vir mense rondom ons, en dat ons hulle sal ondersteun.